Français
Provençal
 
 
Acuèlh Pedagogia Lo provençau Una escòla associativa Evènements Et après... Nous contacter Album photo
 
   
     
 


estatuts e reglaments

La Calandreta es una escòla associativa. L’inscripcion d’un enfant entraina l’adesion de sei gènts a l’associacion.

Vaqui leis estatuts e lo reglament interior de l’escòla.

L’associacion dispausa d’un conseu d’administracion qu’es compausat de cada president de comission dau burèu, e d’autrei membres. Lo ròtle dau conseu d’administracion es de prendre lei decisions importantas relativas a la vida de l’escòla. Trobaretz benlèu lei fotòs de cada membre frescament elegit.

Lo burèu es compausat d’un President, d’un clavaire e d’un secretari, amé per cada pòste d’ajudas eventualas.

Lei membres dau conseu d’administracion son elegits en amassada generala per un mandat de 3 ans.

L’amassada generala, que recampa totei lei membres de l’associacion, se tèn un còp per an au mes de mars.


 



La pichòta adesion anuala es accessible a totei e l’escotisson mensuau es mens fòrta se mai d’un enfant de la meme familha son escolarisats.
Aqueu escotisson correspond a una participacion ais frais de fonccionament de l’escòla.
Metre lei vòstreis enfants a Calandreta vos mes dins una dinamica onte, come lei vòstreis enfants, podètz devenir actor de lei vòstreis idèias, desvelopar la vòstra imaginacion.


Verai, la particularitat dei Calandretas es d’estre geridas per una associacion, onte lei membres son lei gènts d’escolans.




 


Organisacion en comissions

L’associacion se compausa de la manièra seguenta :

COMISSION ÒBRAS : assegura lei pichòteis òbras e diferents entreten a realisar afin que leis enfants evoluan dins lo melhor quadre possible.

COMISSION FESTAS : organisa lei diferentas manifestacions qu’an luòc tot au long de l’annada escolari (Castanhada (fèsta de la castanha), lotò, balèti, quermessa : fèsta de l’escòla...)

COMISSION CANTINA IGIENA E SEGURITAT : s’assegura que lei nòrmas d’igièna e de seguritat son respectadas.

COMISSION INFORMATICA :assegura la mesa en plaça e la mantenença dau pargue informatique. Se’n carga tanben dau siti Web.

COMISSION COMUNICACION : sa tòca es de faire coneisser l’escòla a l’exterior e de desvelopar la comunicacion interna de l’escòla.

COMISSION RECERCA DE FINANçAMENTS

Aquesta comission a per tòca de cercar de finançaments exteriors, de montar de dossiers de demandas de subvencions...

Es demandat a cada gènt d’integraruna comission ò de participar d’un biais ocasionau -en fonccion de sei competéncias e de sei disponibilitats.

 

 

Nos ressources

La nòstra estructura beneficia dau sostèn dau Conseu Regionau vèrs la federacion, e percebe, come totei leis escòlas privadas sota contrat d’associacion, una dotacion de la comuna d’Aurenja per leis enfants d’Aurenja escolarisats dins la nòstra estructura.

De nombros donadors (internes ò externes a l’escòla) nos sostenon tanben amé de dardenas ò amé de materiaus ( dòns d’argent, ò de materiaus divers...)

Mantener de tarifas accessibles au mai grand nombre fai partida de lei nòstrei prioritats, es la rason per la quala avèm un grand besonh de sostèn financier, subretot per lei sortidas escolaris per de que la tarifa dei transpòrts en comun es fòrça cara.

Sostenir l’escòla

Dons :

Podètz adreiçar lei vòstrei dons divers e variats a l’associacion per corrier ò leis adurre directament a l’escòla.

Adesion benfachor :

De saupre : podètz aderar a l’associacion sens aguer d’enfants inscrichs a l’escòla.

Prepausar d’idèias per una sortida pedagogica ò venir intervenir en classa.

Volètz nos prepausar d’idèias per lei sortidas pedagogicas au mitan de l’escòla e ò intervenir en classa esitètz pas a nos contactar !

Parlar de nos a l’entorn de vos :

Esitètz pas de parlar de Calandreta ai vòstrei pròches, colègas de trabalh... Comptèm sus vos !!!

Participar ai nòstrei manifestacions exterioras :

Venètz nombros ai diferentas manifestacions organisadas per l’escòla.

 

 

Informations légales Nous trouver Remerciements Copyright 2015